భూమిలో నుంచి తవ్వి తీసిన వస్తువును ఫాజిల్‌ అంటారు. కానీ ఇప్పుడు లక్షలు, కోట్లు సంవత్సరాలకు పూర్వం నివసించిన జంతువులు, మొక్కల అవశేషాలకు మాత్రమే
ఈ పదం ఉపయోగిస్తున్నారు.
లక్షల ఏళ్ల క్రితం భూకంపాలు, ఇతర కారణాలతో భూమిలో మొక్కలు, జంతువులు కూరుకుపోయేవి.
ప్రాణుల అవశేషాలకు సంబంధించిన విజ్ఞాన శాస్త్రాన్ని 'పాలెంటాలజీ' అంటారు. ఈ విజ్ఞాన శాస్త్రాన్ని అనుసరించి ఫాజిల్‌ను మూడు రకాలుగా విభజించారు.
మొదటిరకం:ఏదేని ప్రాణి యొక్క విభాగం చెడిపోకుండా సంపూర్ణ శరీరం లభించిన అవశేషాలు .
రెండో రకం:శరీరంలోని కొన్ని అంగాలు, ఎముకలు, వృక్షాల్లోని కొమ్మలు, కాండాలు మొదలైన
అవశేషాలు .
మూడో రకం:అవశేషాలు జంతువుల కాలి గుర్తులు.
ఇప్పటివరకూ లభించిన అవశేషాలను అధ్యయనం చేయటం వల్ల 350 కోట్ల సంవత్సరాలకు పూర్వం భూమి మీద ప్రాణికోటి ఉన్నట్లు తెలిసింది. జంతువులలో
క్రమపరిణామం ఎలా కలిగిందీ తెలిసింది.
ఈ శాస్త్ర అధ్యయనాల వల్లే కోట్ల సంవత్సరాల క్రితం భూమ్మీద పాకే జంతువులు ఉన్నాయని తెలుసుకున్నాం. డైనోసార్‌లను ఈ విధంగానే గుర్తించారు.
అయితే అవి ఇప్పుడు లేవు. శిలల మీద లభించిన అవశేషాలను బట్టే వీటిని
గుర్తించారు.
వాతావరణ, భౌగోళిక మార్పుల్ని గురించి ఫాజిల్స్‌ సమాచారాన్ని ఇస్తాయి. ఖనిజాల్ని గుర్తించడంలో భూగర్భ శాస్త్రజ్ఞులకు ఇది బాగా సహాయపడుతుంది.
ఇంకా:
