ఇంటి పక్కనే సారాయి తయారు చేసే కర్మాగారం నుండి వచ్చే గాలితో ?

>>   కూల్ డ్రింక్స్ మరియు సోడా వంటి  వాటి మూతలు తియ్యగానే బుడగలు రావడం గమనించే ఉంటారు. వాటిల్లో అలా బుడగలు రావడానికి కారణమేంటో తెలుసా? 

>> నీళ్లలో కార్బన్‌ డైఆక్సైడ్‌ కరగడం వల్ల. ఈ విషయాన్ని మొదట కనిపెట్టింది జోసఫ్‌ ప్రీస్ట్లీ. ఈయన 1733 మార్చి 13న ఇంగ్లాండులో జన్మించాడు. 

>> పేద కుటుంబంలో పుట్టిన జోసెఫ్‌కి చిన్నప్పటి నుండే అన్నీ నేర్చుకోవాలనే తపన ఉండేది. ఆ ఆసక్తితోనే అనేక భాషలు నేర్చుకున్నాడు. రసాయన శాస్త్రం పట్ల ఆసక్తితో ఎప్పుడూ ఏవో చిన్న చిన్న ప్రయోగాలు చేస్తుండేవాడు. 

>> ఈ క్రమంలోనే జోసెఫ్‌ ఉండే ఇంటి పక్కనే సారాయి తయారు చేసే కర్మాగారం నుండి వచ్చే గాలిని పరిశోధించాడు. 

>> ఆ గాలికి నిప్పును ఆర్పే శక్తి ఉందని తెలుసుకున్నాడు. ఆ వాయువే కార్బన్‌ డై ఆక్సైడ్‌. ఈ వాయువును కనుగొన్నందుకు జోసెఫ్‌ బంగారు పతకాన్ని పొందాడు. 

>> ఆ తర్వాత ఆక్సిజన్‌, కార్బన్‌ మోనాక్సైడ్‌, నైట్రస్‌ ఆక్సైడ్‌ వాయువులను కూడా కనుగొన్నాడు. అయితే ఆయనకు ఆక్సిజన్‌ కనుగొన్నందుకు బాగా పేరు ప్రఖ్యాతులు వచ్చాయి.