మడగాస్కర్ (Madagascar) - ప్రపంచ దేశాల సమాచారం - ప్రతి రోజు ఒక దేశం గురించిన సమాచారం.

 మడగాస్కర్

^^   మడగాస్కర్ లేదా రిపబ్లిక్ ఆఫ్ మడగాస్కర్ లేదా మలగాసీ రిపబ్లిక్ హిందూ మహాసముద్రంలో గల ఒక ద్వీప దేశం.

^^   ప్రపంచంలో గల జంతుజాలాలలో 5% జంతుజాలాలు ఈ దేశంలోనే గలవు.

ఈ దీవిలో పూర్వం ఆసియా దేశస్థులే వలసవెళ్లి ఉండడం వల్ల ఇప్పటికీ అక్కడ  మొత్తం 18 రకాల తెగలఆసియా ప్రజలు ఉన్నారు. తెగలు వేరున్నా అందరూ మాట్లాడేది మలగాసీ భాషనే.

^^   క్రీ.శ. 1500లో పోర్చుగీసువారు ఈ దీవిని మొదట కనుగొన్నారు. 18వ శతాబ్దం ఆరంభం నుండి ఫ్రెంచి రాజులు దీనిని పరిపాలించారు.

^^   ప్రపంచంలోని బీదదేశాల జాబితాలో మడగాస్కర్ పేరు ముందు వరుసలోనే ఉంటుంది.

^^   1960లో స్వాతంత్య్రం వచ్చిన తర్వాత మలగాసీ ప్రభుత్వం ఏర్పడింది.

^^   మడగాస్కర్ దీవి పరిపాలన సౌలభ్యం కోసం ఆరు ప్రాంతాలు, 22 రీజియన్‌లు , 119 జిల్లాలు గా విబజించబడింది. ^^  ఇక్కడే ప్రపంచంలోనే అతి చిన్న ఊసరవెల్లి కనబడుతుంది. ఈ ఊసరవెల్లి కేవలం ఒక సెంటీమీటరు ఉంది. రాక్షస గబ్బిలాలు కూడా ఇక్కడ ఉంటాయి ^^  మడగాస్కర్ దీవిలో చాలా విచిత్రమైన ప్రకృతి కనబడుతుంది. ఎన్నో అగ్నిపర్వతాలు, రహస్యంగా ప్రవహించే జలపాతాలు ఉన్నాయి. ఒకప్పుడు మొత్తం దీవి అంతా అడవే. బావోబాబ్ చెట్లు ఈ ఒక్కదేశంలోనే కనిపిస్తాయి

^^   భారతీయులు కూడా మడగాస్కర్‌లో ఉన్నారు. వీరు హిందీ, గుజరాతీ భాషలు మాట్లాడతారు. గ్రామాలలో గుడిసెలలాంటి ఇళ్లు నిర్మించుకుంటారు. స్త్రీలు, పురుషులు దాదాపు సమాన భావనతో జీవిస్తారు.

మడగాస్కర్ పూర్తి పేరు  : రిపబ్లిక్ ఆఫ్ మడగాస్కర్

మడగాస్కర్ నినాదం : Tanindrazana, Fahafahana, Fandrosoana  (Malagasy)

మడగాస్కర్ జాతీయగీతం :  en:Ry Tanindrazanay malala ô! (Oh, Our Beloved Fatherland)

మడగాస్కర్ ప్రధాన మంత్రి : Eugène Mangalaza

మడగాస్కర్  వైశాల్యం  : 5,87,041 చదరపు కిలోమీటర్లు

మడగాస్కర్ జనాభా  : 2,37,52,887 (అంచనా)

మడగాస్కర్ రాజధాని  : అంటనానారివో - Antananarivo

మడగాస్కర్ ప్రభుత్వం  : యూనిటరీ సెమీ ప్రెసిడెన్షియల్ రిపబ్లిక్

మడగాస్కర్ భాషలు  : అధికార భాష-మలగాసీ, ఫ్రెంచ్ భాషలు

మడగాస్కర్ మతం  : క్రైస్తవులు-40 శాతం, ముస్లిములు 7 శాతం, షెడ్యూల్డ్ తెగలు 50 శాతం.

మడగాస్కర్ వాతావరణం  : సాధారణంగా చల్లగా ఉంటుంది. జులైలో 9 నుండి 20 డిగ్రీలు , డిసెంబర్‌లో 16 నుండి 27 డిగ్రీలు ఉంటుంది.

మడగాస్కర్ పంటలు  : వరి, కస్సావా, మామిడి, బంగాళదుంపలు, అరటి, చెరకు, మొక్క జొన్న, కాఫీ, మిరియాలు.

మడగాస్కర్ పరిశ్రమలు  : వస్త్ర, సముద్ర ఉత్పత్తులు, పొగాకు, చక్కెర, ప్లాస్టిక్, ఫార్మా, తోలు వస్తువుల పరిశ్రమలు మొదలైనవి.

మడగాస్కర్ సరిహద్దులు  : నలువైపులా హిందూమహాసముద్రం ఉంది. ఆఫ్రికా ఖండానికి సమీపంలో ఉంది.

మడగాస్కర్ స్వాతంత్య్రం  : 26 జనవరి, 1960 ( ఫ్రాన్స్ నుండి )

మడగాస్కర్ కరెన్సీ  : మలగాసీ అరియారీ  Malagasy ariary (MGA)