జె.ఆర్.డి.టాటా(JRD Tata) - ముఖ్యమైన వ్యక్తులు - జీవిత చరిత్ర

జె.ఆర్.డి.టాటా అసలు పేరు జహంగీర్ రతన్ జీ దాదాభాయి టాటా.

జె.ఆర్.డి.టాటా  జూలై 29, 1904 న పారిస్, ఫ్రాన్సు నందు జన్మించారు .

పారిసు లో జన్మించిన ఈయనను "జెహ్" లేక "జేఆర్డీ"గా సంబోధిస్తారు. ఈయన తల్లి ఫ్రాన్సు దేశస్థురాలు కావడంతో, ఈయన ఫ్రెంచి భాష ను మొదటి భాషగా నేర్చుకున్నాడు.

టాటా వంశీకులు పార్శీ మతానికీ చెందినవారు. ఎనిమిదవ శతాబ్దంలో వారు భారతదేశానికి వలసవచ్చి వ్యాపారం చేసుకుంటూ భారతీయ సంస్కృతికి అలవాటుపడిపోయి భారతీయులుగా స్థిరపడిపోయారు. ఆ రోజుల్లో వారికి ఇంటిపేరు ఉండేదికాదు. వారు చేసే వ్యాపారాలను బట్టి వారి ఇంటి పేరు ఉండేది. ఉదాహరణకు "ఇంజనీర్" అనీ, డాక్టరు అని, "బాటిల్ వాలా" అని ఉండేది. ఆ ప్రకారంగానే జీ వంశీకులకు టాటా అనే పేరు వచ్చింది.

1929 లో ఈయన భారతదేశములోనే మొట్టమొదటి పైలట్ లైసెన్సు పొందాడు. 1932 లో ఈయన భారతదేశపు తొలి వాణిజ్య విమానసేవలను టాటా ఎయిర్ లైన్స్ పేరుతో ప్రవేశపెట్టాడు.

1946లో అది "ఎయిర్ ఇండియా"గా రూపాంతరం చెందింది. తర్వాతికాలంలో ఆయన భారతదేశపు పౌరవిమానయాన పితామహుడుగా ప్రశంసింపబడ్డాడు.

34 ఏళ్ళ వయసులో ఆయన టాటా వ్యాపారసంస్థలకు పెట్టుబడిదారీ సంస్థ అయిన టాటా సన్స్ సంస్థకు చైర్మనుగా బాధ్యతలు చేపట్టి 1991 వరకు ఆ పదవిలో కొనసాగాడు.

సుదీర్ఘమైన ఆయన హయాములో టాటా గ్రూపు ఆస్తులు అరవైరెండు కోట్ల రూపాయల నుండి పదివేల కోట్ల రూపాయల పైబడి పెరగగా, గ్రూపులో సంస్థలు పదిహేను నుండి నూటికి పైగా చేరుకున్నాయి.

టాటా గ్రూప్ భారతదేశంలో అతిపెద్ద ప్రైవేటు కార్పొరేట్ గ్రూప్ మరియు ప్రపంచంలోని బాగా ప్రఖ్యాతిగాంచిన సంస్థలలో ఒకటిగా గుర్తించబడింది.

వ్యాపారలావాదేవీలు ఉక్కు,ఆటోమొబైల్స్,సమాచార సాంకేతికత,కమ్యూనికేషన్,విద్యుత్తు, టీమరియు ఆతిథ్య రంగాలలో ఉన్నాయి . టాటా గ్రూప్ తన వ్యాపారలావాదేవీలను ఆరు ఖండాలలోని 85 దేశాలకుపైగా విస్తరించింది మరియు తన సంస్థలు వస్తువులు మరియు సేవలు 80 దేశాలకు ఎగుమతి చేస్తాయి. టాటా గ్రూప్ లో 114 సంస్థలు మరియు అనుబంధసంస్థలు ఏడు వ్యాపార విభాగాలుగా ఉన్నాయి

ఈ గ్రూప్ లోని అధిక భాగం సంస్థలు టాటా ఉక్కు,కోరస్ ఉక్కు,టాటా మోటార్స్,టాటా కంసల్టన్సీ సేవలు,టాటా సాంకేతికసంస్థ,టాటా టీ,టైటాన్ సంస్థలు,టాటా విద్యుత్తు,టాటా సమాచార వ్యవస్థ,టాటా దూరవాణీ సేవలు మరియు తాజ్ హోటల్స్.

జె అర్ డి టాటా  89 సంవస్తరాల వయసులో స్విడ్జర్లాండ్ లోని జెనివా లో 1993 న మరణించారు

ఈయనకు 1992 లో భారతరత్న పురస్కారం ఇవ్వబడినది.