మాల్దీవులు(Maldives) - ప్రపంచ దేశాల సమాచారం - ప్రతి రోజు ఒక దేశం గురించిన సమాచారం .

మాల్దీవులు

మాల్దీవుల గణతంత్రరాజ్యం భారతదేశానికి నైఋతిన హిందూ మహాసముద్రంలో 26 పగడపు దిబ్బలలో మొత్తం 1,196 పగడపు దీవులు సముదాయాలతో ఏర్పడిన దేశం.

కోయిమాలే అనే ఒక సింహళ యువరాజు తన పెండ్లికూతురైన శ్రీలంక చక్రవర్తి కుమార్తెతో పాటు ఒక మాల్దీవుల లగూన్ లో చిక్కుకొని అక్కడే స్థిరపడి మాల్దీవుల మొదటి సుల్తాన్‌గా పరిపాలించాడని ప్రతీతి.

కేరళ తీరానికి చెందిన మోప్లా అనే సముద్రపు దొంగలు ఈ దీవులను ఎన్నో కష్టాలకు గురి చేసారు . 6వ శతాబ్దములో పోర్చుగీసు వాళ్ళు ఈ దీవులను తమ ఆధీనములోనికి తెచ్చుకుని 15 సంవత్సరాలు (1558-1573) వరకూ పాలించారు. వారిని మహమ్మద్ అల్ ఆజమ్ అనే దేశభక్తి గల వీరుడు తరిమివేశాడు.

బ్రిటీషు వారి నుండి 1965లో స్వాతంత్ర్యము పొందినా సుల్తాను రాజ్యమే తరువాతి 3 సంవత్సరాలు పరిపాలన సాగించింది. నవంబరు 11,1968 లో దాన్ని రద్దు చేసి ఇప్పటి పేరుతో గణతంత్ర రాజ్యముగా మార్చడం జరిగింది

1978లో మౌమూన్ అబ్దుల్ గయూమ్ మాల్దీవులు మొదటి అధ్యక్షుడుగా ఎన్నుకోబడ్డాడు. అప్పటి నుండి ఆయనే అధ్యక్షుడిగా ఉన్నాడు. ఆయన అధికారదర్పముతో పరిపాలించాడు. 1988లో ఆయనకు వ్యతిరేకముగా జరిగిన ఒక కుట్రనుండి భారత రక్షక దళాల సహాయముతో తప్పించుకున్నాడు

ప్రస్తుతం మహ్మద్ "అన్నీ" నషీద్ దీనికి అధ్యక్షుడు గా ఉన్నారు

మాల్దీవులు ప్రపంచములోనే అతి చదునైన దేశముగా పేరుగాంచింది.

26 డిసెంబరు 2004లో హిందూ మహాసముద్రములో వచ్చిన భూకంపము వలన ఏర్పడిన సునామీ వల్ల మాల్దీవులకు అపార నష్టం వాటిల్లింది.

ఈ దీవుల సమూహము సముద్ర మట్టానికి క్రిందుగా ఉండటము మూలంగా ఈ ఉపద్రవం సంభవించింది. సుమారు 75 మంది, ఆరుగురు విదేశీయులతో సహా గల్లంతయ్యారు. ప్రజలు నివసించే 13 దీవులలో, 29 విహార దీవులలో మొత్తం వసతులన్నీ తుడిచిపెట్టుకుపోయాయి.

మాల్దీవుల అర్ధికవ్యవస్థ మత్స్య, మరియు సముద్ర ఉత్పత్తులపైనే పూర్తిగా ఆధారపడి ఉన్నది. నేటికీ ఇవే ప్రజల ప్రధాన జీవనాధారాలు. అందువల్లే ప్రభుత్వము మత్స్య పరిశ్రమ అభివృద్ధికి ప్రత్యేక శ్రద్ధ వహిస్తున్నది.

చాపల అల్లకం, లక్కపని, హస్తకళలు మరియు కొబ్బరితాళ్ళ తయారీ వంటి అనేక సాంప్రదాయక కుటీర పరిశ్రమలు కూడా ఉన్నాయి .

మాల్దీవులు విస్తీర్ణం పరంగా ప్రపంచంలో 185 వ స్తానం , జనాబా పరంగా ప్రపంచంలో 175 వ స్థానం లోను ఆర్ధిక పరంగా ప్రపంచంలో 183 వ స్థానం లోను ఉంది .