¤ జాతీయ ఆహార భద్రత చట్టాన్ని (ఎన్ఎఫ్ఎస్ఏ) 67% జనాభాకు కాకుండా 40% జనాభాకు మాత్రమే వర్తింపజేయాలని జాతీయ ఉన్నతస్థాయి కమిటీ (హై లెవెల్ కమిటీ) సిఫార్సు చేసింది. ఇలా చేయడం వల్ల దారిద్య్ర రేఖకు దిగువనున్న కుటుంబాలన్నింటికీ ఈ పథకం చేరుతుందని అంచనా వేస్తున్నట్లు తెలిపింది. » పట్టణ ప్రాంతాల్లో 50%, గ్రామీణ ప్రాంతాల్లో 75% జనాభాకు మొత్తం మీద 67% జనాభాకు ఈ పథకాన్ని వర్తింపజేస్తున్నారు. » దేశంలో ఇప్పటికే ఈ పథకాన్ని (67% జనాభాకు వర్తించేలా) హరియాణా, దిల్లీ, హిమాచల్‌ప్రదేశ్, రాజస్థాన్, పంజాబ్, కర్ణాటక, ఛత్తీస్‌గఢ్, మహారాష్ట్ర, చండీగఢ్, బిహార్, మధ్యప్రదేశ్ రాష్ట్రాల్లో అమలు చేస్తున్నారు. » 40% జనాభాకే ఎన్ఎఫ్ఎస్ఏ ను వర్తింపజేయడం వల్ల ప్రభుత్వానికి సంవత్సరానికి రూ.30,000 కోట్లు ఆదా అవుతుందని కమిటీ ప్రకటించింది. » కేంద్ర మాజీ ఆహార శాఖా మంత్రి శాంతకుమార్ ఈ కమిటీకి నేతృత్వం వహించారు. » ఎరువులపై ఇచ్చే సబ్సిడీని రైతులకు ప్రత్యక్షంగా ఇవ్వాలని కమిటీ సూచించింది.¤ 1984 నాటి సిక్కు వ్యతిరేక అల్లర్లపై విచారణకు కేంద్ర ప్రభుత్వం సిట్ (స్పెషల్ ఇన్వెస్టిగేషన్ టీమ్) ను ఏర్పాటు చేసింది. » ఇందిర హత్యానంతరం దిల్లీ, పలు ఇతర రాష్ట్రాల్లో సిక్కులపై చోటు చేసుకున్న హింసకు సంబంధించిన అన్ని కేసులను ఈ త్రిసభ్య బృందం పునర్విచారణ చేసి, ఆరు నెలల్లోగా నివేదిక సమర్పిస్తుందని కేంద్ర ప్రభుత్వం వెల్లడించింది. » ఈ సిట్‌కు ఐపీఎస్ అధికారి ప్రమోద్ ఆస్థానా నేతృత్వం వహిస్తారు.
|
0 వ్యాఖ్యలు
Post a Comment
Thank You for your Comment